తెలుగు రాష్ట్రాల్లో మొక్కలు నాటే కార్యక్రమం ఓ ఉద్యమంలా సాగుతుంది. భావితరాలకు స్వఛ్చమైన ప్రాణవాయువును, పుష్కల వర్షాలను అందించేందుకు ప్రారంభమైన ఈ కార్యక్రమం దిగ్విజయంగా ముందుకు సాగుతుంది. దానికి తోడు….. మన నమ్మకాలను కూడా ఈ కార్యక్రమానికి జోడించడంతో…మొక్కలు నాటే ప్రక్రియ ఓ పుణ్యకార్యంగా కొనసాగుతుంది. నిజమే మన పురాణాల ప్రకారం జన్మ నక్షత్రాన్ని బట్టి, పుట్టిన రాశిని బట్టి…దానికి తగ్గ మొక్కను నాటితే…మనకు మేలు జరిగే అవకాశం అధికమట.! అయితే మనలో ఓ డౌట్ ఏ నక్షత్రంలో పుట్టిన వారు ఏ మొక్కను నాటితే ప్రయోజనకరమని.? అందుకోసం….కింది లిస్ట్ ను ఫాలో అవ్వండి. వెంటనే మీ నక్షత్రం, రాశిని బట్టి రెండు మొక్కలు నాటి…వాటి సంరక్షణ చేపట్టండి. వృక్షో రక్షితి రక్షిత:
రాశులను బట్టి నాటాల్సిన మొక్కలు:
- మేషం – ఎర్ర చందనం (రక్త చందనం)
- వృషభం – ఏడాకుల పాయ (సప్తపర్ణి)
- మిధునం – పనస (పనస)
- కర్కాటకం – మోదుగ (పలాస)
- సింహం – కలిగుట్టు (పాటలి)
- కన్య – మామిడి, చూత (ఆమ్ర, మకండ)
- తుల – పొగడ (బకుళ)
- వృశ్చిక – సండ్ర (ఖధిర)
- ధనుస్సు – రావి (అశ్వద్ధ)
- మకరం – జిట్టేగి (శింశుపా)
- కుంభం – జమ్మి (శమి)
- మీనం – మర్రి (వట)
నక్షత్రాన్ని బట్టి నాటాల్సిన మొక్కలు:
- అశ్విని – ముష్టి (కరస్కర)
- భరణి – ఉసిరి (అమలక)
- కృత్తిక – మేడి, అత్తి (ఉదుంబర)
- రోహిణి – నేరేడు (జంబు)
- మృగశిర – సండ్ర (ఖదిర)
- ఆర్ద్ర – గుమ్మడి టేకు (కృష్ణ)
- పునర్వసు – వెదురు (వంశి)
- పుష్యమి – రావి (అశ్వథ్థ)
- ఆశ్లేష – నాగకేసరి (నాగ)
- మఖ – మర్రి (వట)
- పుబ్బ – మోదుగ (పలాస)
- ఉత్తర – బండజువ్వి(ప్లక్ష)
- హస్త – అడవి మామిడి (అంబిస్థ)
- చిత్త – మారేడు (బిల్వం)
- స్వాతి – తెల్లమద్ది (అర్జున)
- విశాఖ – పులివెలగ (వికంకట)
- అనూరాధ – పొగడ (బకుళ)
- జ్యేష్ట – తెల్లలొద్దుగ (లొద్ర)
- మూల – మండదుంప (సర్జు)
- పూర్వాషాడ – కనప (వంజుల)
- ఉత్తరాషాఢ – పనస (పనస)
- శ్రవణ – జిల్లేడు (అర్క)
- ధనిష్ట – జమ్మి(శమి)
- శతభిషం – కదంబం (కదంబ)
- పూర్వాభద్ర – మామిడి, చూత (ఆమ్ర, మకండ)
- ఉత్తరాభద్ర – వేప (నింబ)
- రేవతి – పెద్ద ఇప్ప (మధుక)
