భార్య గ‌ర్భంతో ఉన్న‌ప్పుడు భ‌ర్త చేయ‌కూడ‌ని ప‌నులు ఏంటో తెలుసా..?

భార్య గ‌ర్భంతో ఉందంటే చాలు భ‌ర్త ఎంతో సంతోషిస్తాడు. భ‌ర్తే కాదు, అత‌ని త‌ర‌ఫు వారు, ఆమె తర‌ఫు వారు ఎంతో సంద‌డి చేస్తారు. ప్ర‌ధానంగా హిందువుల్లో అయితే శ్రీ‌మంతం వంటి శుభ‌కార్యాలు నిర్వ‌హిస్తారు. అయితే భార్య గ‌ర్భం దాల్చిన‌ప్పుడు ఆ వ‌ర్గానికి చెందిన కొన్ని విశ్వాసాల ప్ర‌కారం భ‌ర్త ప‌లు ప‌నులు చేయ‌కూడ‌ద‌ట‌. అలా చేస్తే అరిష్ట‌మ‌ని పురాణాలు చెబుతున్నాయి. ఈ క్రమంలో అలాంటి స‌మ‌యంలో భ‌ర్తలు చేయకూడ‌ని ఆ ప‌నులు ఏమిటో ఇప్పుడు తెలుసుకుందామా..!

wife-pregnancy

1. భార్య గ‌ర్భంతో ఉన్న‌ప్పుడు భ‌ర్త స‌ముద్ర స్నానం చేయ‌కూడ‌దు. అలాగే చెట్ల‌ను కూడా న‌ర‌క‌కూడ‌ద‌ట‌. అలా చేస్తే పుట్టే బిడ్డ‌కు అరిష్టం క‌లుగుతుంద‌ట‌.

2. భార్య గ‌ర్భం దాల్చాక ఆరు నెల‌ల స‌మ‌యం త‌రువాత భర్త క‌టింగ్ అస్స‌లు చేయించుకోకూడ‌దు. క‌నీసం షేవింగ్ కూడా చేసుకోకూడ‌దు.

3. శ్మ‌శానాల‌కు శవాల‌ను తీసుకెళ్లే అంతిమ యాత్ర‌లో శ‌వాలను మోయ‌కూడ‌దు. అలా చేస్తే అరిష్టం చుట్టుకుంటుంద‌ట‌.

4. భార్య ప్రెగ్నెంట్ అయ్యాక భ‌ర్త విదేశీ ప్ర‌యాణాల‌కు వెళ్ల‌కూడ‌ద‌ట‌. అస్స‌లు ఆమెను విడిచి దూరంగా పోకూడ‌ద‌ట‌.

5. భార్య గర్భం దాల్చిన 7వ‌ నెల మొదలైనప్పటి నుండి తీర్థయాత్రల‌కు వెళ్ల‌కూడ‌ద‌ట‌. అలాగే ప‌డ‌వ‌లను ఎక్కకూడ‌ద‌ట‌.

6. పర్వతారోహణము చేయ‌కూడ‌దు. యుద్దము చేయ‌డం మానేయాలి. ఇంటికి స్తంభ ముహూర్తము పెట్టించ‌కూడ‌దు. గృహ ప్ర‌వేశం చేయ‌కూడ‌దు. వాస్తుక‌ర్మ నిర్వ‌హించ‌రాదు. ఈ ప‌నుల‌కు దూరంగా ఉండ‌డ‌మే మంచిది.

7. శవాన్ని అనుసరించి వెళ్ళరాదు. అంటే శ‌వ‌యాత్ర‌లోనూ పాల్గొన‌రాదు. దీంతోపాటు ప్రేత కర్మలు చేయకూడద‌ట. ఇంకా ఉపశమనం, పిండదానం వంటి పనులు చేయ‌క‌పోవ‌డ‌మే మంచిద‌ట‌.

పైన చెప్పినవి భార్య గ‌ర్భంతో ఉన్న‌ప్పుడు భ‌ర్త చేయ‌కూడ‌ని ప‌నులు. అలాగే చేయాల్సిన పని ఒక‌టి ఉంది. అదేమిటంటే… ఆ స‌మ‌యంలో భార్య ఏది అడిగితే అది భ‌ర్త తెచ్చివ్వాల‌ట‌. అలా చేస్తేనే ఆమె సంతోషంగా ఉండి త‌ద్వారా పుట్టే బిడ్డ ఆరోగ్యంగా ఉంటుంద‌ట‌.

Comments

comments

Share this post

scroll to top