మీ ఫోన్లో మీరు చేస్తుందంతా “గూగుల్” రికార్డ్ చేస్తుందని మీకు తెలుసా.? దాన్ని క్లియ‌ర్ చేయడానికి ట్రిక్ ఇదే..!

ఎవ‌రైనా మిమ్మ‌ల్ని అనుక్ష‌ణం ఫాలో చేస్తూ, మీ వివ‌రాల‌న్నీ సేక‌రిస్తుంటే ఏం చేస్తారు..? ఆ విషయం మీకు తెలిస్తే అలాంటి ప‌నులు చేసే వారికి బుద్ధి చెబుతారు. లేదంటే మీ విలువైన స‌మాచారం కాస్తా దుర్వినియోగ‌మ‌వుతుంది. మీ ప‌ర్స‌న‌ల్ విష‌యాల‌ను అడ్డం పెట్టుకుని మీ స‌మాచారంతో మిమ్మ‌ల్ని ఎవ‌రైనా మోసం చేస్తారు. ఇది చాలా సుల‌భంగా జ‌రుగుతుంది. ఇప్పుడు మీ ఆండ్రాయిడ్ స్మార్ట్‌ఫోన్ల‌లో జ‌రుగుతుంది కూడా ఇదే. ఇంత‌కీ మీ స‌మాచారాన్ని సేక‌రిస్తుంది ఎవ‌రో తెలుసా..? గూగుల్‌… అవును, మీరు ఆశ్చ‌ర్య‌పోయినా, మేం చెబుతోంది నిజ‌మే..!

watch video here:

https://www.youtube.com/watch?v=HCRi3VyoE6g

మ‌నం ఇప్పుడు వాడుతున్న ఆండ్రాయిడ్ స్మార్ట్‌ఫోన్ల‌లో ఆ ఆప‌రేటింగ్ సిస్ట‌మ్ సాఫ్ట్‌వేర్‌ను అందిస్తోంది ఎవ‌రో మీకు తెలుసు క‌దా. అదేనండీ, ప్ర‌ముఖ సాఫ్ట్‌వేర్ దిగ్గ‌జ సంస్థ గూగుల్… ఆ కంపెనీ త‌యారు చేసిందే ఆండ్రాయిడ్ ఓఎస్ (ఆప‌రేటింగ్ సిస్ట‌మ్‌). ఈ క్రమంలో మ‌నం వాడుతున్న ఆండ్రాయిడ్ ఫోన్‌లో మీరు గూగుల్‌కు చెందిన యాప్స్ చాలానే చూసి ఉంటారు. గూగుల్ మ్యాప్స్‌, క్రోమ్ బ్రౌజ‌ర్‌, డ్రైవ్‌, హ్యాంగ‌వుట్స్, మ్యాప్స్‌… ఇలా చెప్పుకుంటూ పోతే మ‌నం మ‌న ఫోన్ల‌లో గూగుల్ కు చెందిన యాప్స్‌ను చాలానే వాడుతున్నాం. అయితే ఈ సంద‌ర్భంలో మీకు తెలియ‌ని విష‌యం ఒక‌టుంది. అదే… పైన‌ చెప్పాం క‌దా… మీ ఆండ్రాయిడ్ స్మార్ట్‌ఫోన్ల‌లో ఉండే స‌మాచారాన్నంతా గూగుల్ ఎప్ప‌టిక‌ప్పుడు సేక‌రిస్తుంద‌ని… అవును, ముందు చెప్పిన గూగుల్‌ యాప్స్‌ను వాడ‌డం వ‌ల్ల మీరు ఆండ్రాయిడ్ ఫోన్‌లో ఏం చేస్తుందీ, ఏం చూస్తుందీ ఎప్ప‌టిక‌ప్పుడు గూగుల్ హిస్ట‌రీలో సేవ్ అవుతూ ఉంటుంది.

వాయిస్ క‌మాండ్ల ద్వారా ఫోన్లో సెర్చ్ చేస్తే అది గూగుల్ హిస్ట‌రీలో రికార్డ్ అవుతుంది. అయితే దీని గురించి దాదాపుగా చాలా త‌క్కువ మంది యూజ‌ర్ల‌కే తెలుసు. ఎవ‌రికీ తెలియ‌దు. ఈ క్ర‌మంలో అలా సేవ్‌, రికార్డ్ అయ్యే మీ స‌మాచార‌మంతా మీరు ఆండ్రాయిడ్ డివైస్‌లో వాడుతున్న జీమెయిల్ అకౌంట్‌లో ఉండిపోతుంది. అయితే దీన్ని ఎవరూ చూసేందుకు అవ‌కాశం లేదు. కానీ ఒక వేళ మీడివైస్ ఎవ‌రికైనా దొరికితే వారు ఆ సమాచారాన్ని సుల‌భంగా సేక‌రించేందుకు వీలుంటుంది. కాబ‌ట్టి మీ గూగుల్ అకౌంట్ హిస్ట‌రీలో సేవ్ అయ్యే ఇన్ఫ‌ర్మేష‌న్‌ను అంతా ఎప్ప‌టిక‌ప్పుడు డిలీట్ చేస్తుండాలి. అది ఎలా చేయాలో కింద చూడండి…

google-activity

  • కంప్యూట‌ర్‌లో ఏదైనా బ్రౌజ‌ర్ ఓపెన్ చేసి అందులో అడ్ర‌స్ బార్‌లో history.google.com అని టైప్ చేసి ఎంట‌ర్ ప్రెస్ చేయాలి. అనంత‌రం మీరు ఆండ్రాయిడ్ డివైస్‌లో వాడుతున్న జీమెయిల్ అకౌంట్‌తో అందులోకి లాగిన్ అవ్వాలి.

  •  గూగుల్ హిస్ట‌రీ అకౌంట్‌లోకి లాగిన్ అవ‌గానే మీకు గూగుల్ మై యాక్టివిటీ పేరిట ఓ విండో ప్ర‌త్య‌క్ష‌మై క‌నిపిస్తుంది. అందులో మీరు ఏయే డివైస్‌లో ఏం సెర్చ్ చేసిందీ చూపిస్తుంది.

  •  ఎడ‌మ చేతి వైపు పై భాగంలో ఉన్న బండిల్ వ్యూను ఎంచుకుంటే మీరు నిర్దిష్ట స‌మ‌యం, తేదీల్లో ఏం సెర్చ్ చేసిందీ బండిల్ రూపంలో మొత్తం ఒకే డేటాలా చూసుకోవ‌చ్చు. దాన్ని డిలీట్ చేయాల‌నుకుంటే కుడి చేతి వైపు ఉండే 3 నిలువు డాట్స్‌పై క్లిక్ చేసి డిలీట్ బ‌ట‌న్‌ను ప్రెస్ చేస్తే స‌రిపోతుంది. స‌ద‌రు హిస్టరీ, డేటా మొత్తం క్లీన్ అవుతుంది.

  •  అదే మీరు కొన్ని నిర్దిష్ట ఐట‌మ్స్ మాత్ర‌మే డిలీట్ చేయాల‌నుకుంటే బండిల్ వ్యూ కిందే ఐట‌మ్ వ్యూ అని ఉంటుంది. అందులో ఐటంల వారీగా అవ‌స‌రం లేని ఐటంల‌ను డిలీట్ చేసుకోవ‌చ్చు. అయితే అందుకోసం కూడా పైన చెప్పిన‌ట్టుగా కుడి చేతి వైపు ఉండే 3 నిలువు డాట్స్‌ను క్లిక్ చేసి అనంత‌రం వ‌చ్చే డిలీట్ బ‌ట‌న్‌ను ప్రెస్ చేయాలి. దీంతో డేటా అంతా క్లియ‌ర్ అవుతుంది.

  •  మీరు ఆండ్రాయిడ్ ఫోన్‌లో వాయిస్ కమాండ్ల ద్వారా సెర్చ్ చేసిన డేటాను డిలీట్ చేయాలంటే గూగుల్ మై యాక్టివిటీ విండోలో ఎడమ చేతి వైపు కింద ఉండే యాక్టివిటీ కంట్రోల్స్‌ను సెలెక్ట్ చేసుకోవాలి. అనంత‌రం వ‌చ్చే విండోలో కింద‌కి వెళ్లి వాయిస్ అండ్ ఆడియో యాక్టివిటీని ఎంచుకోవాలి. దాని కింద ఉండే మేనేజ్ యాక్టివిటీని క్లిక్ చేయాలి.

  •  మేనేజ్ యాక్టివిటీలోకి వెళ్ల‌గానే ఇంత‌కు ముందు గూగుల్ మై యాక్టివిటీ విండోలో వ‌చ్చిన‌ట్టుగానే బండిల్ వ్యూ, ఐటం వ్యూ అని రెండు ఆప్ష‌న్స్ క‌నిపిస్తాయి. వాటిలో దేన్ని సెలెక్ట్ చేసుకుని అయినా పైన చెప్పిన‌ట్టుగా మీరు వాయిస్ క‌మాండ్ల ద్వారా గూగుల్‌లో సెర్చ్ చేసిన డేటాను క్లియ‌ర్ చేసుకోవ‌చ్చు.

     

Comments

comments

Share this post

scroll to top