వైద్యరంగం వ్యాపార రంగంగా మారడానికి మొదటి బీజం అక్కడే పడుతుంది.!?

ప్రపంచంలో దేవుడి తర్వాత చేతులెత్తి మొక్కేది ఒక్క డాక్టర్ కు మాత్రమే. ప్రాణాలు కాపాడిన వైద్యుడ్ని దేవుడు కంటే గొప్పగా చూస్తారు. అయితే ఇంత గొప్ప పనిచేస్తున్న వైద్యులు డాక్టర్ కావడానికి ఎన్నో ఆర్ధిక  ఇబ్బందులు, మరెన్నో కష్టాలను ఎదుర్కొని వైద్యరంగంలోకి ప్రవేశిస్తున్నారు. కొన్ని రోజుల క్రితం డబ్బులు కట్టలేక ఎంబిబిఎస్ చదువు మధ్యలోనే నిలిపివేశాడు ఓ విద్యార్థి . కారణం డబ్బుకట్టలేకపోవడమే. ప్రభుత్వ ఫీజు కట్టగలడు గానీ ప్రైవేట్ కాలేజ్ లు డిమాండ్ చేసే  కోట్లరూపాయలు మాత్రం చెల్లించలేకపోయాడు.మీరు విన్నది నిజమే ఈ రెండిటికీ చాలా వ్యత్సాసం ఉంది.

మనదేశంలో కొన్నిమెడికల్ కాలేజీలు   ప్రభుత్వ ఆధీనంలో నడుస్తుంటే, మరికొన్ని ప్రైవేట్ సంస్థలు నడుపుతున్నాయి. వీటివల్ల మెడికల్ సీట్లను ఎక్కువ ధరకు అమ్ముకుంటున్నారు. ప్రవేశ పరీక్ష రాసి, అందులో ఉత్తీర్ణత సాధించినా, ఎన్నో రకాలుగా డబ్బులు గుంజుతున్నారు. పేరుకు మాత్రమే ప్రవేశ పరీక్షలు రాస్తున్నా, మెడికల్ కాలేజ్ లో చేరాలంటే మాత్రం కొన్ని కోట్లు సీటు కోసం ఖర్చుచేయాల్సి స్తుంది. మనదేశంలో 25000 మెడికల్ సీట్లు 12,000కోట్లకు అమ్ముడుపోయాయంటే ఏ రేంజ్ లో మెడికల్ విద్యార్థుల నుండి డబ్బు వసూల్ చేస్తున్నారో అర్థం చేసుకోవచ్చు.

MBBS-750x500

చాలా వరకు మెడికల్ కాలేజీలు ప్రభుత్వ ఆధీనంలో ఉన్నా, కొన్ని మాత్రం ప్రైవేట్ సంస్థలు నడుపుతున్నాయి. మేనేజ్ మెంట్ కోటా 15 శాతం సీట్లను యధావిధిగా ఉంచి, 50 శాతం సీట్లను బయట అమ్మేస్తున్నారు. ఇక కొన్ని విశ్వవిద్యాలయాలైతే ఎంట్రన్స్ పరీక్ష, మెరిట్..  అదీ ఇదీ అని పరీక్షలు పెట్టినా అవి మాత్రం నామమాత్రానికే. .ఆ పరీక్షలో ఉత్తీర్ణత అయినా, ఏదో రకంగా  డబ్బులు లాగడానికే ప్రయత్నిస్తున్నారు. ఇక ఇది కుదరకపోతే ఆ సీట్లను అమ్మేస్తున్నారు,
నిర్లక్ష్యపు వైద్యుల కారణంగా ప్రాణాలు పోవడానికి, వైద్యం వ్యాపారంగా మారడానికి, వైద్యులపై ప్రజలకున్న నమ్మకం పోవడానికి కారణం ఇక్కడి నుండే మొదలవుతోంది. ఒక స్టూడెంట్ గొప్పవాడు కావాలంటే, గురువు మంచివాడై ఉండాలి. అలాగే ఒక రోగి రోగం నయం కావాలంటే వైద్యుడు చేసే వైద్యాన్ని బట్టే ఉంటుంది. మన వైద్య వ్యవస్థ ఇలా తయారవ్వడానికి కారణం, కళాశాలల యాజమాన్యం వలనే. ఇప్పటికైనా ఇలాంటి వాటికి స్వస్థి పలకాలని, కొత్త సమాజాన్ని నిర్మించడానికి తోడ్పడాలని ఆశిద్దాం.

Comments

comments

Share this post

scroll to top