అయోధ్య గుడిలో హీటర్లు పెట్టారు…ఎందుకో తెలుసా..? సోషల్ మీడియాలో వచ్చిన ఈ 6 జోకులు హైలైట్!

చ‌లి పులి చంపేస్తోంది. ఎప్ప‌టిలాగే ఈ ఏడాది కూడా చ‌లికాం విజృంభిస్తోంది. ఇంకా మ‌రో 3 నెల‌లు చ‌లికాలం ఉండ‌గానే చ‌లి ఇప్పుడు భీక‌ర రూపం దాల్చింది. ఉద‌యం 11 గంట‌లు అయ్యే వ‌ర‌కు కూడా మంచు దుప్ప‌టి పోవ‌డం లేదు. దేశంలో అనేక ప్రాంతాలు చ‌లి తీవ్ర‌త‌తో గ‌డ గ‌డా వ‌ణుకుతున్నాయి. దీంతో వేడి కోసం జ‌నాలు ప్ర‌త్యామ్నాయ మార్గాల‌ను అనుస‌రిస్తున్నారు. అయితే ఇంత వ‌ర‌కు బాగానే ఉంది. కానీ.. చ‌లి తీవ్ర‌త‌కు త‌ట్టుకోలేక దేవుడు కూడా వేన్నీళ్ల స్నానం చేస్తే..? రూమ్ హీట‌ర్ల‌ను పెట్టుకుంటే..? ఎలా ఉంటుంది..! వినేందుకు ఫ‌న్నీగా ఉంది క‌దా. కానీ ఇది నిజ‌మే. అంటే అక్క‌డ‌.. దేవుడు వాటిని పెట్టుకోలేదు. జ‌నాలే వాటిని పెట్టారు.

ఉత్త‌ర ప్ర‌దేశ్‌లోని అయోధ్య‌లో ఉన్నజాన‌కీ ఘాట్ బ‌డా స్థాన్ ఆల‌యంలో కొలువైన దేవుడికి ఆ ఆల‌య పూజారులు వినూత్న రీతిలో ఏర్పాట్లు చేస్తున్నారు. చ‌లి కాలం కావ‌డంతో దేవుడికి బాగా చ‌లి ఉంటుంద‌ని చెప్పి వారు వేన్నీళ్ల‌తో విగ్రహాల‌కు జ‌లాభిషేకం చేస్తున్నారు. అంతేకాదు, వారు ఇంకా కొంత ముందుకు వెళ్లి ఆల‌య గ‌ర్భ గుడిలో దేవుడి విగ్ర‌హాల ప‌క్క‌న రూమ్ హీట‌ర్ల‌ను పెట్టారు. దీంతో ఆ ప్ర‌దేశంలో వేడి ఉంటుంద‌ని, త‌ద్వారా దేవుడికి చ‌లి త‌గ‌ల‌కుండా వెచ్చ‌గా ఉంటాడ‌ని వారు భావిస్తున్నారు. అందుకే ఆ ఏర్పాట్లు చేశారు.

అయితే వారు అలా ఏర్పాటు చేయ‌డం ఏమో గానీ ఇప్పుడు ఈ విష‌యం ప‌ట్ల సోష‌ల్ మీడియాలో జోకులు పేలుతున్నాయి. ముఖ్యంగా ట్విట్ట‌ర్‌లో నెటిజ‌న్లు రెచ్చిపోతున్నారు. ట్వీట్ల మీద ట్వీట్లు చేస్తున్నారు. దేశంలో క‌నీసం నివ‌సించేందుకు కూడా షెల్ట‌ర్ లేక ప్ర‌జ‌లు అల్లాడుతుటే, దేవుడికి వేన్నీళ్ల స్నానం, హీట‌ర్లా..?, దేవుడి ఆరోగ్యం చెక్ చేసేందుకు 24 గంట‌ల పాటు డాక్ట‌ర్ల‌ను కూడా పెట్టాల్సిది.., 21వ శ‌తాబ్దంలోనూ ఇలాంటి వార్త‌ల‌ను వింటున్నందుకు సిగ్గుగా ఉంది.., ఉత్త‌ర ప్ర‌దేశ్ బాగా ప్ర‌గ‌తి సాధిస్తోంది.., గ‌ర్భ గుడిలో హీట‌ర్లు దేవుడి కోసం కాదు, పూజారుల కోసం అయి ఉంటుంది.. అని చాలా మంది ర‌క ర‌కాలా కామెంట్లు పెడుతున్నారు. ఏది ఏమైనా ఈ వివాదం ఇప్ప‌ట్లో త‌గ్గేలా లేదు. మ‌రి దీనిపై మీరేమంటారు..!

Comments

comments

Share this post

scroll to top